هاووڵاتیانی هەرێمی کوردستان دەتوانن بە ئۆتۆمبێلی خۆیان گەشتی دەرەوەی وڵات بکەن

لە ڕاگەیاندراوێکدا ، بەرێوەبەرایەتی هاتووچۆی هەولێر هەموو شۆفێران  و خاوەن ئۆتۆمبێلەکان ئاگادار دەکاتەوە  بەو مەرجانەی کە لە ڕاگەیاندراوەکەدا هاتوون دەتوانن بە ئۆتۆمبێلی خۆیان گەشتی دەرەوەی وكاتان بکەن .

مەرجەکان لە 7 خاڵی سەرەکی پێک دێنن

دەقی ئاگادارییەکە:

هاووڵاتییان و شۆفێران و خاوه‌ن ئۆتۆمبێله‌كانی هه‌ڵگری تابلۆی هه‌ولێر ئاگاداردەکرێنەوە له‌كاتی گه‌شتكردنیان بۆ ده‌ره‌وه‌ی وڵات به ‌ئۆتۆمبێلی خۆیان، ده‌توانن سه‌ردانی هاتووچۆ بكه‌ن به‌مه‌به‌ستی وه‌رگرتنی تابلۆی پیتی ئینگلیزی و شێوه‌ی ئه‌وروپی.

مه‌رج و رێکارەکان:

1 – ده‌بێت ساڵیانه‌ به‌ناوی ئه‌و كه‌سه‌ بێت، كه ‌به‌نیازه‌ گه‌شتی ده‌ره‌وه‌ بكات، یان بریكارنامه‌ (وه‌كاله‌)ی بۆ كرابێت.

2 – سه‌ردانی گومرگی هه‌ولێر بكات به‌مه‌به‌ستی ده‌رهێنانی پسووله‌ی چوونه‌ده‌ره‌وه ‌(دفتر خروجیة).

3- سه‌ردانی هاتووچۆ بكات و، داواكارییه‌ك پێشکەش بكات، كه‌ تێیدا داوای رێگەپێدان بۆ گۆڕینی تابلۆیەكه‌ بكات و، ‌پسووله‌ی چوونه‌ده‌ره‌وه‌ی له‌گه‌ڵ هاوپێچ بكات.

4 – دانی بڕی 55 هەزار دینار وه‌كو رسومات بۆ وه‌رگرتنی دوو پلیتی تازه‌ی تابلۆ به ‌نووسین و ژماره‌ی ئینگلیزی.

5 – ده‌بێت له‌پاش وه‌رگرتنی تابلۆیه‌كه‌ و جێهیشتنی تابلۆیه ‌كۆنه‌كانی خۆی له‌ هاتووچۆ له‌ماوه‌ی 72 کاتژمێر هه‌رێمی كوردستان جێبهێڵێت.

6 – له‌كاتی گه‌ڕانه‌وه‌ی بۆ هه‌رێم، ده‌بێت له‌ماوه‌ی یه‌ك هه‌فته‌دا سه‌ردانی هاتووچۆ بكات بۆ دانه‌وه‌ی تابلۆیه‌كه و، وه‌رگرتنه‌وه‌ی تابلۆیه‌ كۆنه‌كانی، كه‌ هه‌ردوو كاتی چوونه‌ده‌ره‌وه ‌و هاتنه‌وه‌شی له‌رێگای پاسپۆرته‌كه‌یه‌وه‌ ده‌زانرێت و، ‌ده‌بێت هاوپێچی بكات له‌كاتی هاتنی بۆ هاتووچۆ.

7 – هه‌ر دواكه‌وتنێك له‌ چوونه‌ده‌ره‌وه‌ له‌ هه‌رێم یان گه‌ڕانه‌وه‌ بۆ هه‌رێم و سه‌ردانینه‌كردنی هاتووچۆ بۆ ته‌سلیمكردنه‌وه‌ی تابلۆ‌كه‌ له‌ ماوه‌ی دیاریكراو، سه‌رپێچیكار به‌بڕی (500000) دینار سزاده‌دریت و بۆ هه‌ر رۆژێك كه ‌تێپه‌ڕێت، بڕی (50000) په‌نجا هه‌زاری تر ده‌چێته‌ سه‌ر سزا‌كه‌.

ب. هاتووچۆی هه‌ولێر

2020/9/15