بزانە بۆچی كازمی روونكردنەوە لەبارەی گۆڕانكارییەكانی حكومەت دەدات
مستەفا کازمی ، سەرۆک وەزیرانی عێراق ئەمڕۆ لە بەیاننامەیەکدا هۆکاری ئاڵ و کۆڕەکانی پۆستەکانی حکومەتی ئاشکرا دەکات و روونی دەکاتەوە ، گۆڕانکارییەکان بەپێی بنەما ئیداری و یاساییەکان کراون و بەشێک لەو کەسانەی لە پۆستەکان لادراون، ماوەی یاسایی کارکردنیان لەو پۆستانە تەواو ببوو.
لە بەشێکئ دیکەی روونکردنەوەکەدا هاتووە ، ئەو کەسانەی بۆ پۆستەکان دەستنیشان کراون، لە هەمان دامودەزگا کاریان کردووە یان کەسانی تایبەتمەند بوون بەو پۆستانە و دەستپاکی و ئەزموونیان و راگرتنی هاوسەنگی نیشتیمانیش لە دەستنیشانکردنیان، لەبەرچاو گیراوە.
ئەو روونکردنەوانەی مستەفا کازمی لە کاتێکدا کە بەشێک لە لایەنەکان ئەو گۆڕانکارییانەیان رەت کردووەتەوە و پێیانوایە بە دابەشکاریی تائیفی و حزبی دانراون
بەو تێبیننەوە کازمی دەنووسێت ”پێویستە ئەو دەنگۆیەی ئەو لایەنانە بڵاوی دەکەنەوە، پشت بە زانیاریی دروست ببەستێت، ئەوکات ئێمە بە جددی لێکۆلێنەوە دەکەین“.
