فه‌رمانده‌یه‌كی پێشمه‌رگه نهێنیه‌ك له‌باره‌ی حه‌شدی شه‌عبیه‌وه ئاشكرا ده‌كات
خواكوڕك
فه‌رمانده‌یه‌كی پێشمه‌رگه رایده‌گه‌یه‌نێت، ده‌سه‌ڵاتدارانی شیعه هه‌ندێكجار له‌رێگه‌ی په‌كه‌كه‌وه هه‌ڕه‌شه له‌كوردستان ده‌كه‌ن و هه‌ندێكجاریش به‌هاوكاری كردنی سلێمانی ده‌یانه‌وێت ته‌نازول به هه‌رێمی كوردستان بكه‌ن به‌رامبه‌ر عێراق.
جه‌مال مورتكه فه‌رمانده‌ی گشتی هێزی پێشمه‌رگه‌ی كوردستان له میحوه‌ری گوێر رایده‌گه‌یه‌نـێت، په‌كه‌كه بۆته وه‌سیله‌یه‌ك بۆ به‌ستنه‌وه‌ی سوریا و عێراق و ئێران و لوبنان، هه‌ر ئه‌و ئامانجه‌ش بووه‌ته هۆكاری فشاره‌كانی سه‌ر هه‌رێمی كوردستان.
جه‌مال مورتكه له لێدوانێكیدا له‌باره‌ی هه‌ڕةشه‌كانی حه‌شدی شه‌عبیه‌وه به باسی راگه‌یاندووه، ئه‌وه‌ی حه‌شدی شه‌عبی ده‌یكات ره‌نگدانه‌وه‌ی سیاسه‌تی هه‌ندێك سه‌ركرده‌كانی شیعه‌یه، و هاوشێوه‌ی مالكی له‌ماوه‌ی رابردوو هه‌ڕه‌شه له كوردستان ده‌كه‌ن.
ئه‌و فه‌رمانده‌یه‌ی پێشه‌رگه ده‌شڵێت، ویستی حه‌شدی شه‌عبی خۆی له ته‌نازول كردنی هه‌رێمی كوردستان به‌رامبه‌ر عێراق ده‌بینێته‌وه، هه‌وره‌ها ده‌یانه‌وێت هێزی پێشمه‌رگه هه‌موو ئه‌و ناوچانه‌ی ئازادی كردوون، بۆ ئه‌وانی جێ بهێڵێت.
