نوێترین زانیاری لەبارەی مووچە
بە گوێرەی ئەو زانیاریانەی گەیشتۆتە دەست دەزگای میدیایی خواکوڕک لە سەرچاوەیەکی وەزارەتی دارایی و ئابووری حکومەتی هەرێمی کوردستان ، پارەی پێویست بۆ مووچەی مانگی نیسان لە بەر دەست نییەو وەزارەت چاوەڕیی ناردنی 320 ملیار دینار لە بەغدا دەکات .
ئەو سەرچاوەیە هاوکات ئاماژە بەوە دەکات تا ئێستا نزیكەی 100 ملیار دینار بۆ مووچەی فەرمانبەران لە خەزێنەی وەزارەتی دارایی و ئابووری هەیە، لەكاتێكدا بۆ دابەشكردنی مووچە، ئەگەر بە لێبڕینی 21%ەوە بێت، نزیكەی 726 ملیار دینار پێویستە.
ئەوەی تا ئێستا ئاشکرایە حکومەتی هەرێمی کوردستان بۆ دابەشکردنی مووچەی فەرمانبەران بەبێ لێبڕین پێویستی بە زیاتر لە 890 ملیار دینارە، بۆیە تا ڕێککەوتن لە گەڵ بەغدا و ناردنی 320 ملیار دیناری مانگانە حکومەتی هەرێمی کوردستان ناچارە بە هەمان میکانیزمی پێشوو مووچە دابەش بکات .
