نه‌ته‌وه‌یه‌كگرتووه‌كان توركیا و میلیشاكانی له عه‌فرین تاوانی مرۆییان دژ به كورده‌كان ئه‌نجامداوه
دوای ئه‌وه‌ی توركیا به‌شێك له خاكی رۆژئاوای كوردستانی داگیر كردوو له‌و كاته‌وه تا به ئێستاش ده‌گات به‌رده‌وامه له ئه‌نجامدانی تاوانی مرۆیی، ئه‌گه‌ر چی چه‌ند جارێك ئاماژه به تاوانه‌كانی توركیا كراوه له رۆژئاوای كوردستان له دواهه‌مین راپۆرتیدا نه‌ته‌وه یه‌كگرتووه‌كان رایده‌گه‌یێنێت كه گروپە چەكدارەكانی سەر توركیا چەندین پێشێلكاریان لە عەفرین و سەرێكانی و ناوچەكانی تری رۆژئاوای كوردستان ئەنجامداوە.
ئەنجوومەنی مافەكانی مرۆڤی سەر بە نەتەوە یەكگرتووەكان لە راپۆرتێكدا باسی لەو توندوتیژی و پێشێلكاریانە كردووە، كە گروپەكانی سەر بە توركیا لە رۆژئاوای كوردستان ئەنجامیانداون، لەوانە دەستبەسەرداگرتنی موڵكە و ماڵی هاولاتیانی كورد و رفاندن و ئەشكەنجەدان.
هانی مێگاڵی كۆمیسیاری نەتەوە یەكگرتووەكان بۆ كاروباری سووریا رایگەیاند، ئاماریان لەبەردەست نییە بۆئەوەی بڵێین چەند كەس دەست بەسەر ماڵ و موڵكیدا گیراوە یان دەركراوە، بەڵام هەندێك كەیسی تایبەتیمان دۆكیۆمێنت كردوون. لە هەندێك لە كەیسەكان بینیومانە كە خەڵك داوایان لێكراوە ماڵی خۆیان جێبهێڵن، ئەوەش لەلایەن سوپای نیشتمانیی سووریاوە. خەڵكی هەڵاتوون و بینیویانە كە ماڵ و موڵكیان دەستی بەسەردا گیراوە و زەحمەتیش بووە بۆئەوەی بگەڕێنەوە سەر موڵكیان.
راشیگەیاند، پێشێلكاریی زۆر خراپتریان بینیوە، لەوانەش دەستگیركردن و زیندانیكردن و ئەشكەنجەدان و تووندوتیژیی سێكسی كە لە زیندانەكان روویداوە.
