پەكەكە هاوشێوەی داعش كەمپی مەشقی سەربازی منداڵانی كردۆتەوە
خواكوڕك
بەگوێرەی چەند وێنەیەك مەشقی راهێنانی سەربازی منداڵی خوار 16ساڵی لەلایان پارتی كرێكارانی كوردستان كراوەتە، لە یەكەم وەجبەشدا زیاتر لە 180 منداڵی خوار 16 ساڵی تێدا مەشق و راهێنانی سەربازیان پێدەكرێت.
سەرچاوەیەك لەگوندی زارگەلی لەبەر زۆر بوونی هەرەشەكان نەیویست ناوی ئاشكرا بكرێت بەخواكوڕكی راگەیاند پەكەكە لەچەندین ناوچەی جیاواز كەمپی مەشقی سەربازی هەیە، لەو ماوەیەدا كەمپێكی تر كراوەتەوە لەژێرناوی شەهیدێكی پەكەكە، كە تێیدا زیاتر لە 180 منداڵی خوار 16 ساڵی مەشق و راهێنانی سەربازی پێدەكرێت.
ئەو سەرچاوەیە گوتیشی ئەو منداڵانە تەمەنیان لە خوار 16 ساڵیە كە مەشق تەواو دەكەن، بەرێگای جیاوازەوە دەنێردرێنە رۆژئاوای كوردستان، لەلایان ئاسایشی پەیەدەوە دەبردرێنە كەمپەكانی یەپەگە و لەوێشەوە دەبردرێنە بەرەكانی شەڕ لە سوریا.
هەر بەگوێرەی زانیاریەكانی سەرچاوەی خواكوڕك ئەو منداڵانە خەڵكی جۆڕاو جۆڕی پارچەكانی كوردستانی تێدایە، تێیاندایە، خەڵكی خانەقا و هەڵەبجە و گوندەكانی بناری قەندیل و سلێمانی و كەركووك و گەرمیان، سۆران و هەولێر و دهۆك و زاخۆشی تێدایە، هەندێكیشیان كوردی ئێزدی و خەڵكی رۆژئاوای كوردستانن.
سەرچاوەكە گوتیشی بەشێكی ئەو منداڵانە بە زۆرملێی سەربازی ناچاری دەهێنرێنە قەندیل بۆ ئەوەی لە رۆژئاوای كوردستان و خانەوادەكەین دووری بخەنەوە، لەوێ مەشقی سەربازای و پەروەردەی ئایدۆلۆژیان پێدەدرێت.
