وه‌زیری كۆچ و كۆچبه‌رانی عێراق تووشی كۆرۆنا بوو
له‌گه‌ڵ ئه‌وه‌ی له ماوه‌ی رابردوو ژماره‌یه‌ك به‌رپرسی عێراقی تووشی ڤایرۆسی كۆرۆنا بوون ئێواره‌ی ئه‌مڕۆ گوته‌بێژی وه‌زاره‌تی كۆچ و كۆچبه‌رانی عێراق رایگه‌یاندووه كه ئیڤان فایه‌ق وه‌زیری كۆچ و كۆچبه‌رانی عێراق تووشی ڤایرۆسی كۆرۆنا بووه‌و خراوه‌ته ژێر چاودێری پزیشكی.
عه‌لی عه‌باس، گوته‌بێژی وه‌زاره‌تی كۆچ و كۆچبه‌ران به میدیا عێراقیه‌كانی راگه‌یاندووه كه “ئیڤان فایه‌ق، وه‌زیری كۆچ و كۆچبه‌رانی عیراق توشی ڤایرۆسی كۆرۆنا بووه”.
هه‌روه‌ها گوته‌بێژی وه‌زاره‌تی كۆچ و كۆچبه‌رانی عێراق راشیگه‌یاندووه: “له‌ئێستادا ئیڤان فایه‌ق له‌ماڵه‌كه‌یدا خۆی كه‌ره‌نتین كردووه و له‌ژێر رێنماییه پزیشكیه‌كاندا ده‌رمانی پێویست وه‌رده‌گرێت”.
ئیڤان فایه‌ق له پێكهاته‌ی مه‌سیحیه و له ساڵی 1981 له پارێزگای به‌سره له‌دایكبووه و بڕوانامه‌ی به‌كالۆریۆسی له كۆلێژی زانست له‌زانكۆی به‌سره به‌ده‌ستهێناوه.
