یەکەم کرێکاری بەنگلادیشی لە هەرێمی کوردستان بە کۆرۆنا گیانی لە دەستداو چەند کەسێکی دیکەش تووش بوون
یەکەم کرێکاری بەنگلادیشی لە هەرێمی کوردستان بە کۆرۆنا گیانی لە دەستداو چەند کەسێکی دیکەش تووش بوون
بەڕێوەبەری کارگێڕی و جێبەجێکاری کۆمپانیای ئەترووش لە دهۆک لە لێدوانێکدا بۆ ڕاگەیاندنەکان ئاشکرای دەکات ٢٢ کرێکاری بەنگلادیشی لە دهۆک تووشی کۆرۆنا بوون و کەسێکیش لە کرێکارەکان کە تەمەنی چل ساڵە گیانی لە دەست داوە .
مێهڤان ئەحمەد هاوکات روونیشی دەکاتەوە هەفتەیەک پێش ئێستا جەلالەدین حوسێن کە یەکێک بوو لە کرێکارە بەنگلادیشیەکان تووشی کۆرۆنا بوو و دواتر رەوانەی نەخۆشخانەی کۆرۆنا کرا. بەڵام دوو رۆژ پێش ئێستا لە نەخۆشخانە گیانی لەدەستدا و ئێستاش تەرمەکەی لە دادپزیشکی دهۆکە و دەبێت کەس و کارەکەی بڕیاری گەڕاندنەوەی بۆ وڵاتەکەی بدەن .
وەک بەرێوەبەری کۆمپانیاکە ئاماژەی پێداوە ٢٨٧ کرێکاری بەنگلادیشی کاریان بۆ دەلەن و تائیستا ٢٢ کەسیان تووشی ڤایرۆسی کۆرۆنا بوون و لە ژێر چاوەدێری پزیشکی دان
