سەرهەڵدانەوەی سەرلەنوێی تووشبوون بە کۆرۆنا لە سلێمانی و هەڵەبجە بۆتە جێگەی مەترسی
لە کاتێکدا کە شەپۆلێکی نوێی ڤایرۆسی کۆرۆنا رووی لە ناوچە جیاوازەكانی کوردستان کردۆتەوە ، لە سلێمانی و هەڵەبجە زیاتر بەرچاوەو نەخۆشخانەکانی تایبەت بە کۆرۆنا بۆ جارێکی دیکە پڕ بوونەوەتە لە تووشبووانی پەتاکە .
لەمبارەیەوە ئاراس حەمە سەعید، بەڕێوەبەری نەخۆشخانەی وەفا لە پارێزگای هەڵەبجە كە نەخۆشخانەكەی تایبەت بە تووشبووانی كۆرۆنایە لە لێداونێکدا بۆ ڕاگەیاندنەکان ئاشکرای دەکات ژمارەی تووشبووانی كۆرۆنا رۆژانە لە زیادبووندایە، “لە هەڵەبجە دوو نەخۆشخانەی تایبەتە بە كۆرۆنا هەن، هەردووكیان لە لێواری پڕبووندان و بە هەردوو نەخۆشخانەكە دەتوانین ١٠ نەخۆشێكی دیكە وەربگرین”.
هاوکات یاد نەقشبەندی گوتەبێژی تەندروستی سلێمانی لەوبارەوە گوتی : لە نەخۆشخانەكانی تایبەت بە كۆرۆنا لە سلێمانی شوێن بۆ نەخۆش نەماوە بۆیەش داوا لە هاووڵاتیان دەکات زۆر زیاتر دەبێت ڕەچاوی ڕێنماییە تەندروستییەکان بکەن
