لەژێر چاودێری مەسرور بارزانی ژمارهیهك پڕۆژەی کارەبا له شاری ههولێر دەكرێنەوە
![](https://xwakurk.com/wp-content/uploads/2020/09/مەسرور-بارزانی.jpg)
بریارە سبەی سێشەممە لەژێر چاودێری مەسرور بارزانی سەرۆكی حكومەتی هەرێمی كوردستان ژمارهیهك پڕۆژەی کارەبا له شاری ههولێر بكرێنهوه لەو بارەیەوە وەزارەتی كارەبای هەرێمی كوردستان رایگەیاندووە”كاتژمێر 10:00ی پێشنیوهڕۆی سبهی لهژێر چاودێری مهسرور بارزانی، سهرۆكی حكوومهتی ههرێمی كوردستان و به ئامادهبوونی ههریهك له كهمال محهمهد ساڵح، وهزیری كارهبای حكوومهتی ههرێم و فرسهت سۆفی، پارێزگاری ههولێر، پڕۆژهكانی وێستگهی كارهبای ئازادی نوێ 132 كهیڤی، راكێشانی هێڵی پاڵهپهستۆی بهرزی 132 كهیڤی و دهركردنی فیدهرهكانی 33 كهیڤی و 11 كهیڤی له شاری ههولێر دهكرێنهوه”.
هەروەها ئاماژە بەوە كراوە، وێستگهی كارهبای ئازادی نوێ 11، 33، 132 كهیڤی به گوژمهی 14 ملیۆن و 770 ههزار و 191 دۆلار لهلایهن كۆمپانیای بێست (Best)هوه جێبهجێ كراوه و به كردنهوهی ئهو پڕۆژانهش بهشێكی زۆری كێشهی كارهبای ناو سهنتهری شاری ههولێر چارهسهر دهبن.