مهرجهعیهتی شیعه ئاگادار ده‌كرێته‌وه
خواكوڕك
ماوه‌یه‌كه هێزه‌كانی میلیشای حه‌شدی شه‌عبی ده‌ستی كردووه به چاڵاكیه سه‌ربازیه‌كانی له سنووره‌كانی هه‌رێمی كوردستان به‌تایبه‌ت له شه‌نگال و خورماتوو، به‌رپرسانی سه‌ربازی كوردیش سه‌ركردایه‌تی شیعه له كاره‌كانی حه‌شد ئاگادار ده‌كه‌نه‌وه.
به‌پێی زانیاریه‌كانی خواكوڕك، له‌ماوه‌ی رابردوو ئه‌و لیوایانه‌ی له سنووری خورماتوو له‌لایه‌ن میلیشیاكانی حه‌شده‌وه دروست كرابوون و ژماره‌یه‌یكی زۆریان كوردبوون، له ئێستادا به‌هۆی كاره دزێوه‌كانی میلیشیاكه، زۆربه‌ی چه‌كداره‌كانیان وازیان هێناوه.
ماوه‌ی چه‌ند رۆژێك پێش ئێستا فه‌رمانده‌كانی پێشمه‌رگه مهرجهعیهتی شیعه‌یان له‌وه ئاگادار كردۆته‌وه كه ماوه‌یه‌كه هێزه‌كانی میلیشیای حه‌شد، سنووره‌كانی پێشمه‌رگه بۆردوومان ده‌كه‌ن، و ڕه‌نگه له ماوه‌ی داهاتوو نیازی هێرش كردنیشیان هه‌بێت بۆ سه‌ر سه‌نگه‌ره‌كانی پێشمه‌رگه.
په‌یامه‌كه‌ی پێشمه‌رگه بۆ مهرجهعیهتی شیعه ئه‌وه بووه، كه‌له ئه‌گه‌ری به‌رده‌وامی ئه‌و شه‌ڕفرۆشیه‌ی حه‌شد، ئێمه بێ ده‌نگ نابین و وانه‌یه‌كی خراپتر له داعش به‌و میلیشیایانه ده‌ده‌ن، به‌تایبه‌ت له‌و سنوورانه‌ی ده‌یانه‌وێت ناوچه‌ی زیاتر بخه‌نه ژێر ده‌سه‌ڵاتی خۆیان.
