له هه‌ولێر باندێكی ساختەكردنی زێڕ دەستگیر كران
پۆلیسی هه‌ولێر رایگه‌یاند، توانیویانه باندێكی حه‌وت كه‌سی ده‌ستگیر بكه‌ن كه زێڕیان ساخته كردووه و به زه‌ڕنگه‌ره‌كانیان فرۆشتووه‌ته‌وه.
پۆلیسی هه‌ولێر له په‌یجی خۆی بڵاویكردووه‌ته‌وه: بەشی پۆلیسی نەهێشتنی تاوان، نووسینگەی عەنكاوە، پاش ئاگاداركردنەوەیان كەوا چەند كەسێك لە شارۆچكەی عەنكاوە زێڕ ساختە دەكەن و دواتر بە زێڕنگرەكانی دەفرۆشن، دەستبەجێ تیمێكی لێكۆڵینەوەیان پێكهێنا و دوای بەدواداچوونێكی ورد و بەدەستهێنانی زانیاری، توانییان حه‌وت تۆمەتبار بە ناوەكانی (هـ.ك.ج) و (ا.ا.م) و (ص.ك.ج) و (ع.م.ق) و (ع.ع.ف) و (ع.م.ع) و (ح.س.ع) دەستگیر بكەن.
پۆلیسى هه‌ولێر ئاماژه‌ى داوه، تۆمەتباران ددانیان بە تاوانەكەیاندا ناوه و بە بڕیاری دادوەر و بەپێی ماددەى 456 لە یاسای سزادان، ڕاگیران و ڕووبەڕووی دادگا كراونه‌ته‌وه.
