حکومەت 28ملیار دینار بۆ پرۆژەکانی ئامێدی تەرخان دەکات
لە چوارچێوەی پلانە ستراتیژە پیشەیی و خزمەتگوزارییەکانی کابینەی نوێی حکومەت ، 28 ملیارد دینار بۆ پرۆژەکانی پیشەسازی و خزمەتگوزاری تەرخان کراوە
لەمبارەوە ئیسماعیل مستەفا قایمقامی ئامێدی لە لێدوانیكدا بۆ ماڵپەڕی فەرمی پارتی دیموکراتی کوردستان گوتی : سنووری قەزای ئامێدی بەرفراوانە و لە رووی جیۆگرافییەوە ناوچەیەكی سنوورییە، خەڵكیش بە ھۆی ئاوەداننەكردنەوەی گوندەكانیان زیاتر لە سەنتەری ناحیەكانی قەزای ئامێدی نیشتەجێ بوونە و پێویستیان بە خزمەتگوزاری ھەیە، بۆیە ئەمساڵ حكوومەتی ھەرێم 112 پڕۆژە لە سنوورەكە جێبەجێ دەكات.
ئیسماعیل مستەفا،هاوکات ئاماژە نبەوە دەکات : “بۆ ھەر شەش ناحیە و سەنتەری قەزای ئامێدی، 112 پڕۆژەی جۆراوجۆر جێبەجێ دەكرێن و بەشێك لە پڕۆژەكان كەوتوونەتە بواری جێبەجێكردن و ئەوانەی ماویشن لە داهاتوودا دەخرێنە بواری جێبەجێكردنەوە، كە پڕۆژەكانیش پێك ھاتوون لە ئاو، كارەبا، رێگاوبان، قوتابخانە و نەخۆشخانە”.
قایمقامی ئامێدی لە کۆتاییدا ئاشکرای دەکات بە پێی پلان لە دوای تەرخان کردنی ئەو 28 ملیار دینارە و بە تەواوبوونی پڕۆژەكانیش ناوچەی ئامێدی دەچێتە قۆناغێكی دیكەی ئاوەدانی و سوودی بەرچاوی بۆ ھاووڵاتیانی سنوورەكە دەبێت
