وه‌زیری ناوخۆی نوێی عێراق سه‌ر به رێكخراوی به‌دره
خواكوڕك
ئه‌مرۆ په‌رله‌مانی عێراقی ده‌نگیدا له‌سه‌ر 4 كاندیدی عه‌بادی بۆ پۆستی وه‌زاره‌ته‌كانی به‌رگری و ناوه‌خۆ و بازرگانی و پیشه‌سازی، له ئه‌نجامدا هه‌ریه‌كه له قاسم ئه‌عره‌جی بۆ وه‌زاره‌تی ناوه‌خۆ و عیرفان حالی بۆ وه‌زیری به‌رگری هه‌ڵبژێردران.
سه‌رچاوه‌كانی هه‌واڵ له‌باره‌ی پێشینه‌ی قاسم ئه‌عره‌جی وه‌زیری نوێی ناوه‌خۆ ئه‌وه‌یان ئاشكرا كردووه كه پێشتر كاری كردووه له‌گه‌ڵ رێكخراوی به‌در، كه خاوه‌ن گرووپێكی چه‌كداری تووندڕه‌وه له ریزه‌كانی ملیشیای حه‌شدی شه‌عبی، و نزیكه له نوری مالكی.
سه‌رچاوه‌كه ئه‌وه‌شی ئاشكراكردووه، ماوه‌یه‌ك پێش ئێستا ئه‌عره‌جی چه‌ند خولێكی سه‌ربازی له وڵاتی ئێران بینیوه و دواتر گه‌ڕاوه‌ته‌وه و بۆ ماوه‌ی چه‌ند مانگێگ له ریزه‌كانی میلیشیای حه‌شدی شعبی به‌شداری له‌شه‌ڕی دژی داعش كردووه.
