کۆرۆناو ترەمپ ئێران وێران دەکەن
به‌رپرسان ته‌ندروستی ئێران ئامارێکی نوێی توشبون و مردن بە کۆرۆنایان بڵاوکردەوە و تیایدا هاتووە، لەماوەی24کاتژمێری رابردودا 3822حاڵەتی توشبون بە کۆرۆنا تۆمارکراوە کە لە سەرەتای سەرهەڵدانی کۆرۆناوە بەرزترین ئاستی توشبونە لەرۆژێکدا له ئێران تۆمار کرابێت.
لەمیانی کۆنگرەیەکی رۆژنامەوانیدا، سیما سادات لاری وتەبێژی وەزارەتی تەندروستی ئێران رایگەیاند، لەماوەی 24 کاتژمێری رابردودا 3 هەزار و 822 حاڵەتی توشبون بەکۆرۆنا تۆمارکراوە و بەوەش کۆی ژمارەی توشبوان بۆ پێنج سه‌د هەزار و حه‌فتاو پێنج حاڵەت بەرزبوەوە.
هاوکات، گوتەبێژی وەزارەتی تەندروستی ئێران راشیگەیاند، لە دوێنێوه دوو سه‌د و په‌نجا و یه‌ك کەس بەهۆی کۆرۆناوە گیانیان لەدەستداوە و بەوەش کۆی ژمارەی مردوان بۆ بیست و هه‌شت هەزار و پێنج سه‌د و چل و چوار حاڵەت بەرزبوەتەوە، لەبەرامبەردا چوار سه‌د و شه‌ش هەزار و سێسه‌د هه‌شتاو نۆ حاڵەتی چاکبوونەوە هەیە، چوار هەزار و چوار سه‌دو هه‌شتاو دوو تووشبوش باری تەندروستییان ناجێگیرە.
