سەرۆک بارزانی هاوخەمی خۆی ئاراستەی  بنەماڵەکانی کۆمەڵکوژی گوندی فەرحاتیە دەکات

سەرۆک بارزانی لە پەیامێکدا وێڕای  ئیدانەکردنی کۆمەڵکوژی و بێسەرەشوێنکردنی  لاوانی گوندی فەرحاتیەی سەر بە پارێزگای سەلاحەدین ، هاوخەمی خۆی ئاراستەی کەس و کاری قوربانییەکان دەکات ، دوا دەکات بە دواداچوون بۆ کردارە نامرۆڤانەیە بکرێت

دەقی پەیامی سەرۆك بارزانی:…

به‌ناوی خودای به‌خشنده‌ و میهره‌بان

زۆر به‌ توندی ئیدانه‌ی رووداوی کوشتن و بێسه‌روشوێنکردنی ژماره‌یه‌ک هاووڵاتی گوندی فەرحاتیەی‌ پارێزگای سه‌لاحه‌دین ده‌که‌ین.

وێڕای ئه‌وه‌ی سه‌ره‌خۆشی و هاوخه‌می خۆمان بۆ که‌سوکاری قوربانیانی ئه‌م رووداوه‌ ده‌رده‌بڕین، جه‌ختیش له‌وه‌ ده‌که‌ینه‌وه‌ که‌ له‌ پێناو به‌دیهێنانی سه‌قامگیری و پاراستنی ژیانی هاووڵاتیان پێویسته‌ حکوومه‌تی عێراق و لایه‌نه‌ په‌یوه‌نداره‌کان و لایه‌نه‌ سیاسییه‌کان به‌ هه‌ماهه‌نگی له‌گه‌ڵ یه‌کتر سنوورێک بۆ ئەم جۆرە تاوانانە دابنێن.

مسعود بارزانی

18ـی10ـی2020