وه‌زاره‌تى ته‌ندروستى له‌باره‌ى ڕه‌وشى ته‌ندروستییه‌وه هۆشدارى ده‌دات
وته‌بێژی وه‌زاره‌تی ته‌ندروستی هه‌رێم هۆشداری ده‌دات له به‌رزبوونه‌وه‌ی ژماره‌ی تووشبوانی كۆرۆنا له هه‌رێم و له ئێستاشدا سەبارەت بەو پرسه، وەزیری تەندروستی و رێکخراوی تەندروستیی جیهانی لە کۆبوونەوەدان.
د. ئاسۆ حەوێزی، وتەبێژی وەزارەتی تەندروستی هه‌رێم له راگه‌یه‌ندراوێكدا رایگەیاند: له ئێستادا بە ئامادەبوون و سەرپەرشتی وەزیری تەندروستی، ئەنجومەنی راوێژکاریی پزیشکانی پسپۆر و راوێژکار و خاوەن ئەزموون، لەگەڵ رێکخراوی تەندروستی جیهانی (WHO) لە کۆبوونەوەدان تایبەت بە رەوشی کۆرۆنا لە هەرێمی کوردستان.
لە بەشێکی دیکەی راگەیەندراوەکەدا هاتووە: لەماوەی 24 کاتژمێری رابردوودا لە هەرێمی کوردستان، ژمارەی تووشبووان گواستنەوەی نەخۆشیی ڤایرۆسی کۆرۆنا بە رێژەیەکی بەرز زیادی کردووە، پێشبینییەکان ترسناکن و پێویستییان بە بەشداربوونی هەموو چین و توێژەکانی کۆمەڵگەیە بۆ هۆشیارکردنەوەی هاووڵاتییان بۆ خۆپاراستنیان لەم ڤایرۆسە.
ماوەیەکە وەزارەتی تەندروستی بەچڕی داوا لە هاووڵاتییان دەکات خۆیان بپارێزن لە کۆرۆنا، بەڵام بەهۆی پابەندنەبوونی هاووڵاتییان بە بەستنی ماسک و دوورکەوتنەوەی کۆمەڵایەتی، رۆژ دوای رۆژ تووشبوون بە کۆرۆنا زیاتر دەبێت.
