روونكردنه‌وه‌یه‌ك له به‌ڕێوه‌به‌رایه‌تی پۆلیسی دهۆك
دوای ئه‌وه‌ی پۆلیسی دهۆك چه‌ند تۆمه‌تبارێك ده‌ستگیر ده‌كات، له میدیاكان وا بڵاوكرایه‌وه كه پۆلیس له كاتی ده‌ستگیركردنی تۆمه‌تباره‌كان بێڕێزی به تۆمه‌تباره‌كان كردبێت و ده‌ستی به‌سه‌ر ماڵیاندا گرتبێت به‌ڵام به‌ڕێوه‌به‌رایه‌تی پۆلیسی دهۆك له روونكردنه‌وه‌یه‌كدا ره‌تی ده‌كاته‌وه كه بێڕێزی به هیچ تۆمه‌تبارێك كرابێت و راشیده‌گه‌یێنێت كه تۆمه‌تباره‌كان به بڕیاری دادوه‌ر ده‌ستگیر كراون و له چوارچێوه‌ی یاسادا به‌وپه‌ڕی رێزلێگرتنه‌وه ره‌وانه‌ی به‌رده‌م دادگا كراوون”.
ده‌قی روونكردنه‌وه‌كه
بەیاننامەك ژ رێڤەبەریا پولیسێن پارێزگەها دهوکێ
ئەڤرو ل رێکەفتی 22/10/2020 دەنگویێ دەستەسەرکرنا چەند تومەتباران ل تورێن جڤاکی و هندەک کەنالان هاتیە راگەهاندن و ب مخابنی ڤە رادگەهینین دویر ژ ئەتەکێتێن کارێ روژنامەڤانی و بێ بەرپرسیارانە گوتنێن کێم و زێدە هاتینە کرن و ل گەلەک پەیج و کەنالان هاتیە گوتن کو بێرێزی ب تومەتباران هاتیە کرن و دسەر ماڵا وان دا گرتیە، ئەم وەکو رێڤەبەریا پولیسێن پارێزگەها دهوکێ ڤی خەبەری رەد دکەین و ب هیچ رەنگەکی ئەڤا هاتیە گوتن نەهاتیە رویدان و دورە ژ راستیێ و هندەك کەس و لایەنێن تێکدەرو هەوڵا تێکدانا رەوشا ئاراما پارێزگەها دهوکێ دکەن و بو شێواندن و ڤەشارتنا راستیان ڤان خەبەرێن بێ بنەما بەلاڤ دکەن.
یا راست سەبارەت بابەتێ ئەڤرو فەرمانا گرتنێ ژلایێ دادوەری ڤە ل دویڤ بەندێ ( بەندێ ۲۲۱ ژیاسایێن سزای) بو چەند تومەتباران ل دهوکێ دەرچویە و و پولیس و دەزگایێن دی یێن ئەمنی ل ژێر سەرپەرشتیا رێڤەبەرێ پولیسان عمید شعلان ئەحمەد وەکو هەر فەرمانەکا دی یا گرتنێ کارێ خو جێبەجێکریە و بابەت گەلەکێ سروشتی یە و بو هاولاتیێن هێژا دیار دکەین کو بێرێزی ب هیچ رەنگەکی ب تومەتباران نەهاتیەکرن و ئەو کەسێن هاتینە گرتن ب رێزگرتن و ل دیف یاسایێ هاتینە رەوانەکرن بو دادگەهێ و بجوانترین شێوە سەرەدەری دگەل هاتیە کرن بو زانین و روهنکرن .
رێڤەبەریا پولیسێن پارێزگەها دهوکێ
22/10/2020
