له‌ سنوری جه‌له‌ولا داعش هێرشی كرده‌ سه‌ر گوندی ئوم حونته‌

له‌ دوای زیاد بوونی جموجۆله‌كانی داعش له‌ ناوچه‌ كوردستانیه‌كانی ده‌ره‌وه‌ی ئیداره‌ی هه‌رێمی كوردستان، چه‌ندین جار داعش په‌لاماری هاووڵاتیانی سڤیلی گونده‌كانی سنوری كه‌ركووك و جه‌له‌ولا و خانه‌قین و دیاله‌ی داوه‌ هه‌ره‌ها ئه‌مشه‌و چه‌كدارانی داعش هه‌ڵیانكوتاوه‌ته‌ سه‌ر گوندێكی باكووری جه‌له‌ولا.

به‌ گوێره‌ی زانیاری ده‌زگای میدیایی خواكوڕك دواوه‌، داعش په‌لاماری گوندی (ئوم حنته‌ی) داوه‌كه‌ ده‌كه‌وێـته‌ باكوری جه‌له‌ولا له‌و په‌لاماره‌یدا، چه‌كداره‌كانی داعش، چه‌كی سووك و مامناوه‌ندییان به‌كارهێناوه‌، هاوكات چه‌ند گوله‌ هاوونێكیشیان ئاراسته‌ی گونده‌كه‌ كردووه‌.

هه‌ر به‌پێی زانیاریه‌كان خه‌ڵكی ناوچه‌كه‌ و خۆبه‌خشه‌كانی گونده‌كه‌ رووبه‌ڕووی ئه‌و هێرشه‌ی داعش بوونه‌ته‌وه‌.