پەرلەمانی عێراق بازنەکانی ھەڵبژرادنی کەرکووکی یەکلا کردەوە
بەرەبەیانی ئەمرۆ پێنجشەممە ٢٩ی١٠ی٢٠٢٠ پەرلەمانی عێراق بە دەنگدان بازنەکانی ھەڵبژاردنی لە کەرکووک یەکلا کردەوە و پارێزگای کەرکووکی بەسەر سێ بازنەی ھەڵبژاردندا دابەش کردووە.
بەگوێرەی رێککەوتنەکە، پارێزگای کەرکوک بەسەر سێ بازنەی هەڵبژاردندا دابەشکراوە و 12 کورسی لە پەرلەمان هەیە کە بەم جۆرە دابەشکراون:
بەپێی ڕێککەوتنەکە بازنەکانی ھەڵبژاردن لە کەرکووک بەم شێوەیە دابەش کراون:
بازنەی یەکەم: ڕۆژهەڵاتی کەرکووک و گەڕەکە کوردییەکان.
بازنەی دووەم: ناوەندی کەرکووک.
بازنەی سێیەم: حەویجە و ڕیاز
ئەم بازنانە بەپێی کۆتای ئافرەتان دیاری کراوە کە کەرکووک سێ کۆتای ئافرەتانی ھەیە و ژمارەی کورسییەکانیشی١٢ کورسییە.
به بڕیاری مسته‌فا كازمی سه‌رۆك وه‌زیرانی عێراق، شه‌شی حوزه‌یرانی ساڵی 2021ی وه‌ك واده‌ی هه‌ڵبژاردنی پێشوه‌خت دیاری كراوه له ته‌واوى پارێزگاكانى عێراق.
