ئێران بۆ جارێکی دیکەش دەستی کردەوە بە تۆپباران کردنی سنوورەکان
چەند کاتژمێر لەمەبەر ، لە دوای سووڕانەوەی فڕۆکە بێفڕۆکەوانەکانی ئێران بە سەر دەڤەری برادۆست ، دواتر دەستکرا بە تۆپبارانی ئەو ناوجەیە لە لایەن ئێرانەوە .
لەمبارەوە ئیحسان چەلەبی بەرێوەبەری ناحیەی سیدەکان پشتڕاستی دەکاتەوە لە دوای سووڕانەوەی فڕۆکە بێفڕۆکەوانەکان بە سەر ئاسمانی ناوجەکەدا ، ئێران دەستی کردووە بە تۆپبارانی دەڤەری برادۆست و چەند ناوچەیەکی دیکە .
لەو تۆپبارانەدا کوێستانی بەرزین و گوندەکانی بن ڕسکین ، بن پەرێز ، تەلان لە دەڤەری برادۆست کراونەتە ئامانج و ئەو ناوچانە لە گوند نشینان چۆڵ کراون چونکە شوێنی کوێستانەی هاوینانی مەڕدارانە لە ئیستادا هەوارچییەکان گەڕاونەتەوە گوندەکانیان
ئامانج ئەو تۆپبارانە بە بەیانووی بوونی هێزەکانی رۆژهەڵاتی کوردستانە لەم ناوچانە
