پرسەنامەیەک لە سەرۆکی هەرێمی کوردستانەوە

نێچیرڤان بارزانی، سەرۆکی هەرێمی کوردستان بە بۆنەی کۆچی دوایی نووسەر و شاعیری ناسراوی کورد سەعدوڵڵا پەرۆش، پەیامێکی سەرەخۆشی ئاراستەی کەسوکار و دۆست و هاوڕێیانی کۆچکردوو دەکات.

ئەمەی خوارەوە دەقی پەیامەکەیە:-

بە داخەوە هەواڵی کۆچی دواییی شاعیر و نووسه‌ری دیار، (سەعدوڵلا پەرۆش)م بیست.
پرسە و سەرەخۆشی لە کەسوکار و دۆست و هاوڕێیانی و لە سەرجەم نووسه‌ران و ڕۆشنبیرانی کوردستان دەکەم و هاوخه‌میانم.
خوای مەزن سەبووری و ئارامی بە هەموو لایەک ببەخشێت و خوالێخۆشبوو بخاتە بەر بەزەیی و میهرەبانیی خۆی.
نێچیرڤان بارزانی
سه‌رۆکی هه‌رێمی کوردستان
٢٠٢٠/١٠/٢٩