ئاماری قوربانیانی بوومەلەرزەکەی ئیزمیر روو لە بەرزبوونەوەیە

زیاتر لە 700  پاشلەرزە لە دوای بوومەلەرزەی سەرەکی روویانداوە

سەنتەری بەرێوەبردن و چاودێری رووداوە نەخوازراوەکانی تورکیا ، لە نوێتری ئاماری خۆیدا باس لە گیانی لە دەستدانی 53  و کەس و برینداری بوونی 900 کەسی دیکە دەکات بە هۆی بوومەلەرزەکەی ئیزمیرەوە

هاوکات بە پێی هەواڵی ئانادۆڵ لە زمان سەنتەری بەرێوەبردن و چاودێری رووداوە نەخوازراوەکان ئاشکرای دەکات لە دوای روودانی بوومەلەرزەکە تا بەرەبەیانی ئەوڕۆ 786 پاشلەرزە روویانداوە و 40 پاسلەرزەش لە سەرۆی 4 پلەی ریختەر بوون .

بوومەلەرزەکەی ئیزمیر رۆژی هەینی ڕابردوو بە گوڕی 6.6 پلە روویداو شارۆچەکەی سەفەر یحیسار ناوەندی بوومەلەرزەکە دیاری کرا و تا ئێستاش چاوەڕوان دەکرێت ئاماری گیانلە دەستدانەکان بچێتە سەرەوە چونکە بەشێک لە هاووڵاتیان ئێستاش لە ژێر داروپەردووی داڕمانەکان دان