له‌سه‌ر فه‌رمانى وه‌زیرى كاره‌با پێداچوونه‌وه به پشكى كاره‌باى پارێزگاكان ده‌كرێته‌وه
گوتەبێژی وەزارەتی کارەبای حکوومەتی ھەرێمی کوردستان ڕای گەیاند، پێداچوونەوە بە پشکی کارەبای پارێزگاکاندا دەکەن بۆ ئەوەی سیستەمی دادگەری لە پێدانی بڕە کارەبا بە ھاووڵاتییان پەیڕەو بکەن.
ئومێد ئه‌حمه‌د، به‌ڕێوه‌به‌رى كۆنترۆڵى كاره‌باى هه‌رێیم رایگه‌یاند: له‌سه‌ر فه‌رمانى وه‌زیرى كاره‌با، به‌مه‌به‌ستى پێداچوونه‌وه به پشكى كاره‌باى پارێزگاكانى هه‌رێم له كاره‌باى به‌رهه‌مهاتوو (TEST LOAD) بۆ خواستى كاره‌باى شاره‌كانى هه‌رێم ده‌كرێت و له‌و چوارپێوه‌یه‌دا بۆ ماوه‌ى سێ رۆژ پرۆسه‌كه به‌ڕێوه ده‌چێت.
راشیگه‌یاند: سه‌ره‌تا (تێست لۆد)ى پارێیزگانى سلێمانى و دهۆك و هه‌ڵه‌بجه كرا و رۆژانى (1،2،3/11/2020) دیاریكرا، پرۆسه‌كه‌ش به‌سه‌رپه‌رشتى راسته‌خۆى به‌ڕێوه‌به‌رایه‌تى كۆنترۆڵى كاره‌باى هه‌رێم و هه‌مئاهه‌نگى كۆنترۆڵى كاره‌باى پارێزگاكان و ئاماده‌بوونى نوێنه‌رى دیوانى پارێزگاكان ئه‌نجامدراو كاتژمێر (12:00)ى شه‌وى 1/11/2020 ده‌ستیپێكرد و كاتژمێر (12:00) شه‌وى (3/4/11/2020) كۆتایی هات، كه بریتیبوو له تێستكردنى خواستى كاره‌باى به‌رده‌وامى پارێزگاكانى سلێمانى و دهۆك و هه‌ڵه‌بجه.
هه‌ر وه‌ك وتیشى: تێست لۆد یش بۆ پارێزگاى هه‌ولێر و ئیداره‌ى گه‌رمیانیش له كاتێكى گونجاو له رووى پله‌ى گه‌رماوه كه هاوشێوه‌ى پله‌ى گه‌رماى پارێزگاكانى سلێمانى و دهۆك و هه‌ڵه‌بجه بێت ده‌كرێت.
