تره‌مپ بێ هیوایه ببێته‌وه سه‌رۆك ده‌ڵێت ده‌نگه‌كانمان جادوگه‌رانه ونده‌بن
له‌گه‌ڵ ده‌ستپێكردنی پرۆسه‌ی جیاكردنه‌وه‌ی ده‌نگه‌كان بۆ هه‌لبژاردنی سه‌رۆكی ئه‌مریكا دۆنالد تره‌مپ سه‌رۆكی ئێستای ئه‌مریكا و كاندیدی كۆماریه‌كان رایگه‌یاند كه ئه‌نجامه‌كان دڵخۆشكه‌ر ده‌بن و له ئێستاوه ئێمه ئاماده‌ین بۆ سه‌ركه‌وتن و دڵنیام سه‌رده‌كه‌وین، به‌ڵام له‌گه‌ڵ یه‌كڵاكردنه‌وه‌ی ده‌نگی 45 ویلایه‌ت ترمپ رایگه‌یاندووه كه سه‌یره جادوو گه‌رانه ده‌نگه‌كانمان ون ده‌بن.
دۆناڵد ترەمپ، سەرۆکی ئەمریکا و كاندیدی كۆماریه‌كان له نوێترین په‌یامیدا كه له تۆڕی كۆمه‌ڵایه‌تی تویته‌ر بڵاوی كردۆته‌وه رایگه‌یاندووه :” شەوی رابردوو من لەپێشەوە بووم، زۆرجار بەشێوەیەکی جێگیر، لە ژمارەیەکی بەرچاو لە ویلایەتە یەکلاکەرەوەکان، بەنزیکەیی لە هەموو دۆخێکدا لەو ویلایەتانەی کە دیموکراتەکان بەڕێوەیدەبەن و باڵادەستن. دواتر یەک بە یەک، بەشێوەیەکی جادوویی دەنگەکانم دیارنەمان کاتێک دەنگی لابەلا هەژمارکران”.
لای خۆشیه‌وه جۆ بایدن، بەربژێری دیموکراتەکان لە تویتێکدا ده‌ڵێت “پشوو نادەین هەتاوەکو دەنگی هەمووان هەژماردەکرێت”.
