سەركردەیەكی پارتی: تەندروستی فەرسەت سۆفی بەرەو باشبوون دەڕوات
سەركردەیەكی پارتی دیموكراتی كوردستان رایدەگەیەنێت، دۆخی تەندروستی فەرسەت سۆفی، پارێزگاری هەولێر رووی لەباشییە، ئەمەش دوای ئەوەی سۆفی تووشی كۆرۆنا بووە.
ئەحمەد كانی، ئەندامی سەركردایەتی و بەرپرسی لقی دووی پارتی دیموكراتی كوردستان رایگەیاندوە لەگەڵ زاهیر سۆفی، برای پارێزگاری هەولێر كە لەنەخۆشخانە لەگەڵیدایە قسەی كردووە، براكەی وتویەتی “رەوشی پارێزگاری هەولێر بەرەو باشییە و بۆچوونی پزیشكەكانیش لەبارەیەوە دڵخۆشكەرە.
ماوەی نزیكەی دوو هەفتەیە فرسەت سۆفی، پارێزگاری هەولێر تووشی كۆرۆنا بووە و هەفتەی رابردووش بەهۆی خراپبوونی تەندروستییەوە رەوانەی وڵاتی توركیا كرا.
