هیلاری كلینتۆن : سه‌ركه‌وتنی بایدن ره‌تكردنه‌وه‌ی تره‌مپ و ده‌ستپێكی لاپه‌ڕیه‌كی نوێیه بۆ ئه‌مه‌ریكا
وای ئه‌وه‌ی جۆبایدن كاندیدی دیموكراته‌كان توانی له هه‌ڵبژاردنی سه‌رۆكایه‌تی ئه‌مریكا به‌سه‌ر دۆنالد تره‌مپ سه‌رۆكی ئێستاو كاندیدی كۆماریه‌كاندا سه‌ربكه‌وێت، هیلاری كلینتۆن ركابه‌ری خولی یه‌كه‌می سه‌رۆكایه‌تی تره‌مپ له باره‌ی سه‌ركه‌وتنی بایدن رایگه‌یاندووه، سه‌ركه‌وتنی بایدن واتا ره‌تكردنه‌وه‌ی تره‌مپه.
هێلاری كلینتۆن، ركاربه‌ری پێشووی تره‌مپ و هه‌روه‌ها وه‌زیری پێشووی ده‌ره‌وه‌ی ئه‌مه‌ریكا له توۆتیێكدا له تۆڕی كۆمه‌ڵایه‌تی تویته‌ر نووسیویه‌تی سه‌ركه‌وتنی جۆ بایدن، كاندیدی دیموكراته‌كان و كامالا هاریسی، جێگره‌كه‌ی له هه‌ڵبژاردنی وڵاته‌كه‌ی به “درووستكه‌ری مێژوو و لاپه‌ڕه‌یه‌كی نوێ له ئه‌مه‌ریكا” وه‌سف كرد.
هه‌روه‌ها هێلاری كلینتۆن نووسیویه‌تی: “ده‌نگده‌ران نوێبوونه‌وه‌یان كرد.. جۆ بایدن و كامالا هاریسیان هه‌ڵبژارد، بۆ ئه‌وه‌ی ببنه سه‌رۆكی وڵات و جێگره‌كه‌ی و ئه‌مه‌ش درووستكردنی مێژووه واتا ره‌تكردنه‌وه‌ی تره‌مپه.. و ده‌ستپێكی لاپه‌ڕیه‌كی نوێیه بۆ ئه‌مه‌ریكا”.
