دۆناڵد تره‌مپ سزای به‌سه‌ر ئێراندا سه‌پانده‌وه‌

وه‌زاره‌تی گه‌نجینه‌ی ئه‌مریكا چه‌ند سزایه‌كی نوێی به‌سه‌ر ئێراندا سه‌پاند و سزاكه‌ ئه‌و كه‌سانه‌ ده‌گرێته‌وه‌ كه‌ ئاسانكارییان بۆ كڕینی كه‌لوپه‌لی هه‌ستیار كردوه‌.

سزاكه‌ی ئه‌مجاره‌ی وه‌زاره‌تی گه‌نجینه‌ی ئه‌مریكا شه‌ش كۆمپانیا و چوار كه‌سایه‌تیی ئێران ده‌گرێته‌وه‌ كه‌ ئاسانكارییان بۆ كڕینی ئه‌و كه‌لوپه‌له‌ ئه‌لیكترۆنییانه‌ كردوه‌ كه‌ له‌ بنه‌ڕه‌تدا له‌ ئه‌مریكا دروست ده‌كرێن و دراون به‌ كۆمپانیایه‌كی تایبه‌ت به‌ په‌یوه‌ندی و گه‌یاندنی ئێران.

سزاكان هه‌ریه‌ له‌ كۆمپانیاكانی Hoda Trading و Proma Industry و Industry Co. Soltech و Naz Technology Coی گرتوه‌ته‌وه‌.

ستیڤن منوشین، وه‌زیری گه‌نجینه‌ی ئه‌مریكا رایگه‌یاندوه‌ كه‌ ئێران تۆڕێك له‌ كۆمپانیا جیهانییه‌كان به‌كارده‌هێنێت بۆ ئه‌وه‌ی توانا سه‌ربازییه‌كانی خۆی به‌هێز بكات و به‌و رێگه‌یه‌ش سه‌قامگیریی ناوچه‌كه‌ بخاته‌ مه‌ترسییه‌وه‌.