یەكێتی تەوافقی سیاسی لەبەغدا شكاند
دوای تێپەراندنی یاسایی كورتهێنانی دارایی لە پەرلەمانی عێراق، بەزۆرینە كە پێچەوانەی دەستوورە چونكە هیچ یاسایەك بەبێ تەوافق نادەستووریە، ئەمەش لەلایان لایانە شیعەكان ئەنجام دراو بەمەش كاردانەوەی تووندی هەرێمی كوردستانی لێكەوتەوە”.
واچاوەروان دەكرا كە لایانە كوردستانیەكان هەڵوێستی تووندیان هەبێت چونكە شكاندنی تەوافقی سیاسی ئیتر هیچ واتایەك بۆ كورد لە بەغدا ناهێلێتەوە چونكە بەزۆرینە و كەمینە یاساكان تێدەپەرێنرێت، ئەمەش بەمەترسیدار لەلایان سەرۆك بارزانی و سەرۆكی هەرێمی كوردستان و سەرۆكی حكومەتی هەرێمی كوردستان پێناسە كرا”.
بەڵام لە نوێترین كاردانەوەدا، لایانەكانی گۆڕان و یەكێتی و یەكگرتوو و كۆمەڵ بایكۆتی كۆبوونەوەی سێ سەرۆكایەتیەكەیان كردوو بەمەش هەڵوێستی هەرێمی كوردستان كە چاوەروان دەكرا دژی بەغدا بنوێنرێت، لاواز كرا، لەدواین راگەیاندراوێشدا یەكێتی بەیەكجاری كۆتایی بەهەڵوێستی یەكرێزی لایانەكانی هێنا كە چاوەروان دەكرا دژی بەغدا ئەنجام بدرێت”.
لەو بارەیەوە كاردانەوەكانی لایانگران و نووسەران و كادیرانی پارتی دیموكراتی كوردستان بەئاراستەی ئەوەیە كە رای گشتی لەوە تێبگەێنن كە جگە لە پارتی هیچ لایانێك ئامادە نیە هەڵوێست بەرامبەر بەغدا بنوێنێت، بەمەش رەوایەتی درا بە شكاندنی تەوافقی سیاسی و ئۆباڵی ئەو شكاندنەش دەخەنە سەر لایانەكان كە ئامادە نەبوون هەڵوێست بەرامبەر بە بەغدا بگرنە بەر”.
