پەکەکە لە شنگال دەکشێتەوە
بە پێی زانیاری سەرچاوەیەکی ئەمنی عێراقی ، ( پەکەکە ) ئەمڕۆ لە شنگال 7 بارەگای چۆڵ کردووە
لە دوا وادەی حوکمەتی عێراقی ولە دوای هاتنی هێزەکانی پۆلیسی فیدڕاڵی بۆ شنگال ئەمڕۆ چەکدارانی پەکەکە دەستیان کردووە بە کشانەوەو چۆڵکردنی بارەگاکانیان .
ئەو سەرچاوەی ئەمنی عێراقی ڕاشیگەیاندووە ، کشانەوەی هێزەکانی پەکەکە لە چوارچێوەی ڕێکەوتنی ئاساییکردنەوەی دۆخی شنگال دایە کە لە نێوان هەرێمی کوردستان و بەغدا و ئەمریکا واژوو کراوە .
لە ڕێکەوتنەکەی نێوان هەرسێک لایەندا هاتووە ، نابێت هیچ گرووپێکی چەکداری نایاسایی لە شنگال بوونی هەبێت بۆ ئەوەی ئاوارەکان بتوانن بە دڵنیاییەوە بگەرێنەوە شنگال و ناوچەکانی دەورووبەری
هەر لە چەند رۆژی ڕابردووش بە پێی فەرمانی وەزاری ئاڵاکانی حەشدی شەعبی و پەکەکە لە شەقامەکان داگیران و وەک ئاڵای نافەرمی پێناسە کران لە شنگال
