یەكێتی هەمان هەڵوێستی پارتی دەبێت لەبارەی كێشەكانی هەرێم و بەغدا
خواكوڕك
لەگەڵ دروست بوونی جۆرێك لە كۆدەنگی نیشتیمانی لە بەرامبەر بەغدا, هەروەها كۆبوونەوەی شاندی باڵای حزبە كوردستانیەكان لەگەڵ شاندی باڵای نیشتیمانی عێراقی بۆهەرێم بەر پرسێكی یەكێتی دەڵێت:” یەكێتی هەمان هەڵوێستی پارتی دەبێت لەمەڕكێشەكانی هەرێم و بەغدا”
مەلا بەختیار بەرپرسی دەستەی كارگێری مەكتەبی سیاسی یەكێتی نیشتیمانی كوردستان دوای كۆتا هاتنی كۆبوونەوەی نێوان مەكتەبی سیاسی یەكێتی‌و شاندی نیشتیمانی عێراقی رایگەیاند:”یەكێتی هەمان هەڵوێستی پارتی دەبێت لەسەر كێشەكانی نێوان هەرێم و بەغداد”
شایەنی باسە ڕۆژی شەمەی رابردوو شاندی هاوپەیمانی نیشتمانی سەردانی هەرێمی كوردستانیان كردو لە پایتەختی كوردستان دوای كۆبونەوەی لەگەڵ سەرۆكی هەرێمی كوردستان سەرۆك بارزانی، لەگەڵ لایەنە سیاسییەكانی تر كۆبونەوە ، ئامانجی سەردانی شاندەكە، جگە لە تاوتوێكردنی دۆخی سیاسی هەرێمی كوردستان و عێراق ، پرۆژەكەی عەممارحەكیم ئەمینداری ئەنجومەنی باڵای ئیسلامی لە عێراق، دەخرێتە بەردەم لایەنە سیاسییەكانی هەرێمی كوردستان بەمەبەستی چارەسەركردنی كێشەكانی نێوخۆی عێراق و هەرێم كە بە پرۆژەی ئاشتەوایی نیشتیمانی دەناسرێت.
