وەزیری دەرەوەی ئەڵمانیا : باوەڕمان بە ئێران نییە و دەبێت رێکەوتنێکی نوێی ئەتۆمی بێتە ئاراوە
هایکوماس وەزیری دەرەوەی ئەڵمانیا گوتی : پێمان وایە ڕێکەوتنی ئەتۆمی ئێران لە سەردەمی کابینەی جۆبایدن دەبێت سەرلەنوێ دارێژرێتەوە .
هایکوماس لە لێدوانێکدا بۆ ئەفتەنامەی ئەشپیگڵ گوتی : لەبەر ئەوەی متمانەمان بە ئێران نییە ، پێویستە لە سەردەمی جۆبایدن ڕێکەوتنی ئەتۆمی لە گەڵ ئێران نوێ بکرێتەوەو ڕێگریش لە پەرە پێدانی مووشەکی بالیستیکی ئێران یەک لە مەرجەکانی ڕێکەوتنە کە بێت .
ماس گوتوویەتی : تەنها گەڕانەوە بۆ ڕێکەوتنی ئەتۆمی کەڵکی نییەو دەبێت چەند مەرجێکی تر بۆ ئێران دابندرێت ، چونکە ئەو بە مووشەکی بالستیکی بۆتە هەڕەشە بۆ سەر وڵاتانی ناوچە
لە کۆتاییشدا وەزیری دەرەوەی ئەڵمانیا ئاشکرای دەکات لەمبارەوە لە گەڵ وڵاتانی فەڕەنسا و بەریتانیا ڕاوێژمان کردووە
