بەریتانیا وادەی بەکارهێنانى ڤاکسینى کۆرۆنا بۆ هاوڵاتیانی وەڵاتەکەی دیاریکرد
حکومەتى بەریتانیا وادەى بەکارهێنانى ڤاکسینەکەى کۆمپانیاى فایزەرى ئەمەریکى و بیۆنتیک ى ئەڵمانى ئاشکرا کرد.
ئاژانسەکانى هەواڵ بڵاویانکردەوە، رۆژى سێ شەممەى داهاتوو حکومەتى بەریتانیا پێدانى ڤاکسینەکە بە هاوڵاتیانى وڵاتەکەى دەستپێدەکات، سەرەتاش ڤاکسینەکە بە کەسانى سەرو تەمەن (80) ساڵ و کارمەندانى تەندروستى وئەو کارمەندانە دەدرێت کە چاودێرى کەسانى بەتەمەن دەکەن.
ئەوەش لەکاتێکدایە هەفتەى رابردوو بەرتیانیا ڤاکسینە هاوبەشەکەى هەردوو کۆمپانیاى ڤایزەرى ئەمەریکى بیۆنتیک ى ئەڵمانى پەسەند کرد و رۆژى پێنج شەممەش ڤاکسینەکە گەیشتە ئەو وڵاتە.
بەریتانیا داواکارى بۆکڕینى (40) ملیۆن ڤاکسین پێشکەشى کۆمپانیاکان کردووە، ئەوەش بەئامانجى ئەوەى کە (20) ملیۆن هاوڵاتى وڵاتەکەى سودى لێ ببینن.
