بارەگای پارتی دیموکراتی کوردستان لە پێنجوێن گەمارۆ دراوە
بە پێی زانیارییەکانی دەزگای میدیایی خواکوڕک ، خۆپیشاندەرانی قەزای پێنجوێن بارەگای پارتی دیموکراتیان گەمارۆ داوە ،بە نیازی سووتاندن .
گەمارۆکە لە کاتژمێر دووی دوانیوەڕۆە دەستی پێکردووە ، بەڵام تا کاتی بڵاو بوونەوەی ئەو هەواڵە بە خۆڕاگری کادیرانی پارتی خۆپیشاندەران نەگەیشتوونەتە ئامانجی خۆیان ، هەرچەند خۆپیشاندەران بەردەوامن لە تەقە کردن و بەرد هاویشتن .
گەمارۆی بارەگای پارتی لە پێنجوێن هاوکاتە لە گەڵ ئەوەی خۆپیشاندەران چەند بارەگایەکی حزبی و ناوەندی حکومیان گەمارۆ داوە بۆ تاڵان کردن .
هەر بەپێی زانیارییەکان بەکر عەبدوڵلا میشاوی بەرپرسی ناوچەی پێنجوێنی پارتی ، داوای لە هیزە ئەمنیەکان کردووە بیان پارێزن و کادیرێکی ناو بارەگاکەش بریندار بووە
