سەرۆکی حکومەتی هەرێمی کوردستان بەهۆی كۆچی دوایی مستەفا نێروەیی پرسه‌نامه‌یه‌ك بڵاوده‌كاته‌وه
مەسرور بارزانی، سەرۆکی حکومەتی هەرێمی کوردستان، بەبۆنەی کۆچی دوایی مستەفا نێروەیی، پێشمەرگەی هەردوو شۆرشی ئەیلوول و گوڵان، پرسەنامەیەکی بڵاوکردەوە.
سەرۆکی حکومەت، مستەفا نێروەیی وەک کەسێکی خەباتکار و هاوڕێ و هاوسەنگەری مەلا مستەفا بارزانی وەسفکردووە و سەرەخۆشی خۆی ئاراستەی بنەماڵەکەی و خەڵکی بادینان و کوردستان بە گشتی دەکات.
دەقی پرسەنامەکە
ب خەم و کوڤانڤە، مە پەیامێ ماڵئاڤاهییا پێشمەرگە و خەباتکەرێ بەرنیاس و فەرماندە ل هەردوو شۆرەشین ئیلۆن و گوڵانێ تیکۆشەر (مستەفا نێروەیی)، بهیست.
خودێ لێخۆشبوویی مستەفا نێروەیی، هەڤاڵ و پێشمەرگەیەکێ هەڤسەنگەرێ نیزیکێ بارزانی نەمر بوو، و سەرکردەیەکێ چاڤنەترسێ بزاڤا رزگاریخوازا کوردستانێ وکەسایەتیەکێ خودان پایە و جهەکێ دیاربوو دنێڤ جڤاکا بادینان دا.
بەهی و سەرەخۆشیێ ل خۆ و ماڵباتا خودێ ژێ رازی و خەلکێ بادینان و کوردستانێ بگشتی دکەین.خودێ مەزن جانێ وی ب بەهەشتێ شاد بکەت و سەبر و هەدارێ ب دەتە مە و کەسوکار و هەڤاڵێن وی.
مەسرور بارزانی
سەرۆکێ حکومەتا هەرێما کوردستانێ
