سیسی ھۆشداری دەدات بە توركیا
عەبدولفەتاح ئەلسیسی سەرۆکی میسر ڕۆژی چوارشەممە گوتی سیاسەتی میسر ئەوەیە کە پەیوەندی نایاب لەگەڵ دراوسێکانی بە دیالۆگ دروست بکات و هەمیشە تورکیا وەک وڵاتانی دیکەی ناوچەکە دەبێت وریا بێت لە ڕێزگرتن لە یاساکانی نێودەوڵەتیەكان .
سەرۆکی میسر لە چاوپێکەوتنێکیدا لەگەڵ ڕۆژنامەی لو فیگارۆی فەرەنسی داوای لە تورکیا کردووە کە یەکلایەنە و بەبێ ڕاوێژ لەسەر حسابی ئاشتی و ئارامی لە ناوچەکەدا هەڵسوکەوت نەكات .
سیسی گوتیشی ” میسر کار دەکات بەرەو چارەسەرێکی سیاسی گشتگیر کە تاکە ڕێگە چارە بۆ چارەسەرکردنی ئەم قەیرانە و مسۆگەرکردنی سەقامگیری لیبیای برایە کە هاوسنوری 1200 کم لەگەڵ میسردا هاوبەش دەکات ، هەروەها پێویستە کۆتایی بەدەستێوەردانە دەرەکییەکان بێت کە هەڕەشە لەسەقامگیری ئەم وڵاتە دەکات ، ئەمەش لەئەنجامی گواستنەوەی بەکرێگیراوان و چەکەکان کە ئاراستەی میلیشیا توندڕەوەکان دەکرێت “
