بارەگای بارزانی پرسەنامەیەک ئاراستەی بنەماڵەی مستەفا نێروەیی دەکات

به‌ناوی خودای به‌خشنده‌ و میهره‌با

به‌ڕێزان له‌ خانه‌واده‌ی خوالێخۆشبوو مسته‌فا نێروه‌یی، به‌داخێكی زۆره‌وه‌ هه‌واڵی كۆچی دوایی پێشمه‌رگه‌ی دڵسۆز و وه‌فادار به‌ رێبازی پیرۆزیی كوردایه‌تی (مسته‌فا نێروه‌یی) پێشمه‌رگه‌ی شۆڕشی ئه‌یلوول و به‌رپرسی ده‌زگای ئه‌یلوولی دهۆك، مان پێگه‌یشت.

پرسه‌ و سه‌ره‌خۆشی ئاراسته‌ی خانه‌واده‌ به‌ڕێز و نیشتیمانپه‌روه‌ره‌كه‌تان و ته‌واوی خزم و دۆست و ئاشنایانی خوالێخۆشبوو ده‌كه‌ین. خۆمان به‌هاوبه‌شی خه‌می هه‌موو لایه‌ك ده‌زانین

له‌ خودای مه‌زن داواكارین گیانی خوالێخۆشبوو (مسته‌فا نێروه‌یی) به‌ر دلۆڤانی خۆی بخات و به‌ به‌هه‌شتی به‌رینی شاد بكات، دڵنه‌وایی و ئارامی به‌ ئێوه‌ و كه‌سوكار و ئاشنایانی خوالێخۆشبوو ببه‌خشێت.