سەرۆکی هەرێمی کوردستان سەرەخۆشی لە ماڵباتی مستەفا نێروەیی دەکات
نێچیرڤان بارزانی سەرۆکی حکومەتی هەرێمی کوردستان بە بۆنەی کۆچی دوایی مستەفا نێروەیی پەیامێکی هاوخەمی ئاراستەی بنەماڵەکەی دەکات وەک پێشمەرگەیەکی نموونەیی خۆڕاگری و قارەمان ناوی دێنێت
مالباتا ڕێزدار یا خودێ ژێ ڕازى مسته‌فا نێروه‌یى
وه‌غه‌را پێشمه‌رگێ ئه‌گید و دێرین مسته‌فا نێروه‌یى، ئه‌م گه‌له‌ك خه‌مبار كرین. به‌هیدارى و سه‌رساخیێ ل وه یێن ڕێزدار و هه‌مى هه‌ڤچه‌په‌رێن وى دكه‌ین، ژدل هه‌ڤخه‌م و هه‌ڤسۆزێن وه یێن ڕێزدارین.
مستەفا نێروەیی ژ مالباته‌كا ناڤدار و ئێك ژ پێشمه‌رگێن ده‌سپێكێ یێن شۆڕه‌شا ئیلۆنێ بوو، ب دلسۆزى و مێرخاسیا خۆ، ببوو جهێ باوه‌ریا بارزانیێ نه‌مر و سه‌ركردایه‌تیا شۆڕه‌شێ، هه‌روه‌سا فه‌رمانده‌یه‌كێ جهێ باوه‌ریا پێشمه‌رگه‌ى و خۆشتڤییێ خه‌لكى بوو.
ده‌ما كه‌تنا شۆڕه‌شا ئیلۆنێ، هه‌ر ب خۆڕاگرى ما و د شۆڕه‌شا گولانێدا ژى گه‌له‌كێ چالاك بوو، ڕۆله‌كێ مه‌زن د سه‌رهلدانا ئادارا 1991ێ د چارچۆڤه‌یا به‌ره‌یێ كوردستانیدا، گێڕا. ب ڕاستى نموونه‌یه‌كێ خۆڕاگرى و مێرخاسیێ بوو.
مستەفا نێروەیی ب خه‌باتا خۆ یا دویر و درێژ، ب قه‌هره‌مانى، ئه‌گیدى و وه‌فادارییا خۆ، دێ هه‌رتم د بیرا مه و هه‌مى هه‌ڤچه‌په‌رێن خۆ و خه‌لكیدا زندى مینیت.
نێچیرڤان بارزانی
سەرۆكێ هەرێما كوردستانێ
9/12/2020
