بە کرانەوەی پرۆژەیەکی ئاوی خواردنەوە لە دهۆک گرفتی کەمئاوی سەدان هەزار هاووڵاتی چارەسەر کرا
![](https://xwakurk.com/wp-content/uploads/2020/02/webste-qalb-wena-Recovered-4.jpg)
ئەمڕۆ پێنجشەممە پرۆژەیەکی ئاوی خوارنەوە توانی گرفتی کەمئاوی سەدان هەزار هاووڵاتی لە پارێزگای دهۆک چارەسەر بکات کە بڕی ٣٣ ملیۆن دۆلاری تێچوو بووە .
ئەو پرۆژەیە کە بە ناوی پرۆژەی ئاوی فایدە ناوی دەرکردووە ، بە ئامادەبوونی ساسان عەونی وەزیری شارەوانی و گەشتوگوزار، دکتۆر عەلی تەتەر پارێزگاری دهۆک، پرۆژەی ئاوی فایدە لە پارێزگەی دهۆک کرایەوە کە لەلایەن ڕێکخراوی GIZی ئەڵمانی دابین کراوە.
وەزیری ئاوەدانی و گەشت و گوزار لە لێدوانێکی رۆژنامەوانیدا لەمبارەوە گوتی : پرۆژەی ئاوی فایدە بە گوژمەی 33 ملیۆن دۆلار تەواو بووە، بەشێکی دیکەیە لە گرینگیدانی حکوومەتی هەرێمی کوردستان بە سێکتەری ئاو کە لە پێشەوەی کارەکانی وەزارەتی شارەوانی و گەشتوگوزاردایە و مانگانە بۆ ئەم سێکتەرە بڕی زیاتر لە ( ١٢ ملیار) دینار خەرج دەکات و بەردەوامیش دەبێت لەو خزمەتگوزارییە گشتییانە بۆ هاووڵاتیانی کوردستان .