شاندی هەرێم لەگەڵ لیژنەی راسپێردراوی ئەنجوومەنی نوێنەرانی عێراق کۆبووەوە
دوای ئەوەی دوێنێ شاندێکی هەرێمی کوردستان بۆ گفوگۆکردن لە بارەی کێشە هەلواسراوەکانی نێوان هەولێر و بەغدا سەردانیبەغدایانکرد و پاش کۆبوونەوە لەگەڵ وەزیری دارای و نەوتی عێراق ئێوارە‌ی ئەمڕۆ، لەگەڵ ئەو لیژنە‌یەی ئەنجومەنی نوێنەران كۆبووەوە كەراسپێردراوە بۆ گفتۆگۆكردن و دۆزینە‌وە‌ی چارە‌سە‌ری گونجاو و دە‌ستوری بۆ كێشەكانی نێوان ھەرێم و حكومەتی فیدراڵی.
میدیاکانی عێراق رایانگەیاندووە کە لە كۆبوونەوەی ئەمڕۆ نێوان هەردوو لا بە ڕاشكاوانە باس لە ھۆكارەکانی دروستبوونی كێشەكان وچۆنیە‌تی چارە‌سە‌ركردنیان كرا لە‌پێناو بەرژەوەندی ھاوڵاتیانی هەرێمی کوردستان و عێراق. لای خۆیەوە قوباد تاڵە‌بانی جێگری سە‌رۆكیئە‌نجومە‌نی وە‌زیران، بە لیژنەی راسپێردراوی راگە‌یاند؛ حكومەتی ھەرێم ھە‌موو ئامادە‌ییەكی دە‌ربڕیوە بۆ ئەوەی بە‌پێی دە‌ستور و یاسابە‌ركارە‌‌كان مامە‌ڵە لەگەڵ ماف و شایستە داراییە‌كانی ھەرێم بكرێت و ئامادە‌ییشی دە‌ربڕیوە بۆ گە‌یشتن بە‌ڕێككە‌وتن.
هەروەها لیژنەی راسپێردراوی پەرلەمان پێشتر كۆبوونە‌وە‌یان لەگەڵ لایە‌نە پە‌یوە‌ندیدارە‌كانی عێراق كردووە و لە سە‌روبە‌ندی ئامادە‌كاریراسپاردە‌كانی خۆیاندان بۆ ئەوەی بە‌زووترین كات میكانیزمی گونجاو بدۆزنە‌وە بۆ پرسە ھە‌ڵپەسێردراوكان بە‌تایبە‌ت كێشەكانی نە‌وت ودارایی.
لە كۆتایی كۆبوونە‌وە‌كە لیژنەكە داوای خستنە‌ڕووی پێشنیار و راسپاردە‌كانیان كرد لە وە‌فدی باڵای حكومەتی ھەرێم، بۆ ئەوەی ئە‌وانیشلە‌گە‌ڵ پلانە‌كانی خۆیان یە‌كیان بخە‌ن و دە‌رچە‌یە‌كی گونجاو دابڕێژرێت كە ئاسانكاریش بكات بۆ دیاریكردنی ئە‌رك و مافە‌كانی ھە‌رێمیكوردستان لە بودجە‌ی 2021. بڕیاریشە لیژنەکەی پەرلەمان لە ماوەی دوو رۆژی داهاتوودا كۆبوونەوەی خۆی لەگەڵ حكومەتی فیدراڵ بكات بۆگەڵاڵەگردنی رێگا چارەیەكی دەرچوون لە كێشەكان كە لە بەرژەوەندی هەردوولا بێت.
