هاووڵاتیه‌كی شنگاڵ: په‌كه‌كه كچی منی رفاندووه‌و وێنه‌شی بڵاو بۆته‌وه كه له‌لای ئه‌وانه كه‌چی په‌كه‌كه ده‌ڵێت لای ئێمه نیه
دوای ئه‌وه‌ی له ساڵی 2015 پێشمه‌رگه شنگاڵی له ده‌ستی تیرۆریستانی داعش رزگار كرد، چه‌كدارانی په‌كه‌كه خۆیان خزانده نێو شاره‌كه و چه‌ند بنكه‌و باره‌گایه‌كیان كرده‌وه له‌و كاته‌وه چه‌ندین منداڵیی كوردانی ئێزیدیان رفاندووه‌و هاووڵاتیه‌كیش ده‌ڵێت به سه‌دان منداڵ و گه‌نج رفێندراون.
هاووڵاتیه‌كی شنگال كه نه‌یویست ئاماژه به ناوه‌كه‌ی بده‌ین له په‌یامێكدا بۆ ده‌زگای میدیای خواكوڕك ده‌ڵێت له دوای ئه‌وه‌ی په‌كه‌كه له شنگاڵ جێگیر بوو به سه‌دان گه‌نج و منداڵی رفاندووه‌و چه‌كداری كردوون.
ئه‌و هاووڵاتیه ده‌شلێت یه‌كێك له رفێندراوه‌كان كچی منه كه نێو رفێندراوه‌كان وێنه‌ی هه‌یه كه چی چه‌ندین جار چوومه‌ته‌لای په‌كه‌كه ده‌ڵێن كچه‌كه‌ی تۆ لای ئێمه نیه.
