سەلاحەدین بەهائەدین: بارزانی سەرۆكایەتی هەرێم بۆ كێ جێبهێلێ كە كەس نیە بچێتە پێش
خواكوڕك
دوای ئەوەی سەرۆكی هەرێمی كوردستان داوای لە پارت‌و لڵایەنە سیاسیەكان كرد كەسێك بە كۆدەنگی بۆ پۆستی سەرۆكایەتی هەرێم دیاری بكەن, تا ئێستا هیچ لایەنێكی سیاسی كاندیدی بۆ ئەم پۆستە نیە, یەكگرتووی ئیسلامیش دەلێت ئەگەر كەس نەبوو بۆ كاندیدی سەرۆكایەتی هەرێم بارزانی باشی كرد لە پۆستەكەیدا مایەوە.
سەلاحەدین بەهائەدین, ئەمینداری گشتی یەگرتووی ئیسلامی كوردستان لەمیانی كۆبوونەوەیەكدا بوو لەگەڵ ژمارەیەك لە رۆشنبیرانی هەولێر رایگەیاند” مەسعود بارزانی رایگەیاندوە پۆستەكەی چۆڵ دەكات، ئێستا ئەو سەرۆكی هێزە چەكدارەكانەو رۆژانە میوانی هەیە، ناكرێت بەبێ بەرنامەیەك پێی بوترێت پۆستەكەی چۆڵ بكات”.
ئەمینداری یەكگرتوو دەشلێت:” مەسعود بارزانی كە لەو ماوەیەدا پۆستی سەرۆكایەتی هەرێمی جێ نەهێشتوە “خراپی نەكردوە” و دەشڵێت “بۆ كێی بەجێبهێڵێت؟ كە كەسێك نییە بچێتە پێش، كە یەكێك نەبێت دەور و تەسلیمی لەگەڵدا بكات”
ئەمینداری یەكگرتوو ئاماژەی بەوەشكرد كە بارزانی خۆی لە چاوپێكەوتنێكی ئەم دوایە باسی ئەوەی كردوەكە پۆستی سەرۆكایەتی هەرێم قورس بووە وەریگرتووە، بەوتەی ئەویش پۆستی سەرۆكایەتی هەرێم بەرپرسیارییەتیەكی قورسە.
هەروەها ئەمینداری یەكگرتوو رونیكردەوە كە دەبێت چارەسەرێك بۆ پۆستی سەرۆكایەتی هەرێمیش بدۆزرێتەوە، پێشیوایە ئەگەر كێشەكە خودی مەسعود بارزانی بێت ئەوا دەتوانرێت ئەو پرسە چارسەر بكرێت.
