کۆرۆنا کۆنتڕۆڵ دەکرێت و کۆتایی پێدێت
ئۆیگور شاهین، دامەزرێنەری کۆمپانیای بایۆنتیکی ئەڵمانی و داهێنەری بیرۆکەی ڤاکسینی هاوبەشی ئەو کۆمپانیا ئەڵمانییە لەگەڵ کۆمپانیای فایزەری ئەمریکی لە چاوپێکەوتنێکی تەلەڤزیۆنیدا وادەی کۆتایی هاتنی کۆرۆنا ئاشکرا دەکات .
ئۆیگور شاهین، لە بەرنامەیەکی ڕاستەوخۆی کەناڵێکی ئەمریکی گوتی : هاوینی داهاتوو کۆتایی بە ڤایرۆسی کۆرۆنا دێت بە لەبەر چاوگرتنی کوتانی ڤاکسینەکەو بەرهەمهێنانی نوێی ئەو ڤاکسینە .
هاوکات ئاماژە بەوە دەکات تا هاوینی ساڵی ٢٠٢١ ڤاکسینەکە دەگاتە دەست زۆربەی دانیشتوانی جیهان و تووشبوون بە کۆرۆنا زۆر بە دەگمەن روو دەدات .
ئەو قسانەی ئەو زانایە لە کاتێکدایە وەزارەتی خۆراک و دەرمانی ئەمریکا ڤاکسینی فایزەربایۆنتیک بە چارەسەر دەزانێت و مۆڵەتی دابەشکردنی بە یاسایی کردووە
ئەو ڤاکسینە هاوکات لە گەڵ ئەمریکا لە وڵاتانێکی وەکو بەریتانیا ، کەنەدا ، بەحرێن و ئیسرائیلیش ڕێگە پێدراوە بۆ کوتان و دابەشکردن
