بۆ بەفەرمی ناساندنی ” جۆبایدن ” وەک سەرۆک کۆمار ئەنجومەنی کالەجەکانی ئەمریکا کۆدەبێتەوە
هەنگاوێکی گەورە دەندرێت بۆ پشتڕاستکردنەوەی ئەنجامەکانی هەڵبژاردنەکانی سەرۆک کۆماری ئەمریکا و ناساندنی جۆبایدن وەک سەرۆک کۆماری فەرمی ئەو وڵاتە .
ئەندامانی ئەنجومەنی کالەجەکانی ئەمریکا رۆژی دووشەممە لە دوای کۆبوونەوە ، جۆبایدن وەک سەرۆک کۆماری ئەمریکا دەناسێنن ، دواتر ئەنجامی هەڵبژاردنەکان دەدرێتە واشنتۆن بۆ کۆبوونەوەی هاوبەشی نێوان کۆنگرە لە رۆژی شەشەمی مانگی یەکەمی ساڵی داهاتوو ، سەرپەرشتاری ئەو کۆبوونەوە لە ئەستۆی مایک پێنس جێگری دۆناڵد ترەمپ دەبێت .
بە پێی هەواڵی ئاسۆشیتێد پرێس جۆبایدنی هەڵبژێردراو بۆ سەرۆک کۆماری ئەمریکا لە دوای هەڵبژاردنی ئەنجومەن وتارێک پێشکەش دەکات .
جۆبایدن لە هەڵبژاردنەکاندا توانی بەوەدەست هێنانی ٣٠٦ دەنگ لە ٢٧٠ دەنگی پێویست ببێتە سەرۆک کۆماری هەڵبژێردراوی خەڵکی ئەمریکا و ترەمپ بە ٢٣٢ دەنگ شکستی هێنا .
ش ، ب
