لەهێرشی سەر پێشمەرگە هیچ گەریلایەكی پەكەكە بریندار نەبووە میدیایی پەكەكە درۆ دەكات
بەگوێرەی زانیاریەكانی دەستی دەزگایی میدیایی خواكوڕك كەوتووە درانگانی شەوی 13ی لەسەر 14ی 12ی 2020 پارتی كرێكاران پەكەكە، هێرشێكی پیلان بۆ دارێژراویان كردۆتە سەر هێزەكانی پێشمەرگە، وەك ئەوەی كە دەستی خواكوڕك كەوتووە، سەرەتا چەكدارانی پەكەكە ئۆتۆمبێلك دەنێرن بۆ ناو پازگەی فەرمی هێزەكانی پێشمەرگە و لەدواوەش كەمین دادەنێن، لە میانی تێپەرینی ئۆتۆمبێلەكەدا گرژی دروست دەبێت و لە پشتەوەش گەریلاكانی پەكەكە دەسترێژی گوللە لە هێزی پێشمەرگە دەكەن”.
سەرچاوەیەك لە هێزەكانی پێشمەرگە بە دەزگای میدیایی خواكوڕك راگەیاند، چەكدارانی پەكەكە ئۆتۆمبێلێكی خۆیان دەنێرن بۆ ناو پازگەی هێزەكانی پێشمەرگە و لەدواوەش كەمین دادەنێن لەمیانی تێپەرینی نەوەستانی ئۆتۆمبێلەكەی پەكەكە بەناو پازگەكە، چەكدارەكانی پەكەكە لەپشتەوە هێرش دەكەن و تەقە لە هێزی پێشمەرگە دەكەن و پێشمەرگەیەك شەهید دەكەن”.
دوای ئەو هێرشەی پەكەكە بۆ سەر هێزی پێشمەرگە، میدیاكانی پەكەكە رایانگەیاند كە سێ لەگەریلاكانیان بریندار بوونە، بەڵام سەرچاوەكەی ناو هێزی پێشمەرگە رایگەیاند كە هیچ گەریلایەكی پەكەكە بریندار نەبووە و تەقەكردنی هێزەكانی پێشمەرگە بەئاراستەی گەریلاكان نەبووە بەڵكو تەقەی هەوایی بووە، هیچ بریندارێكیش لە گەریلاكان نەبووە”.
سەرچاوەكە دەشلێت پەكەكە بۆیە رایگەیاندووە كە سێ گەریلایی بریندار بووە بۆ ئەوەی هێرشەكەی بۆ سەر هێزی پێشمەرگە بشارێتەوە، بۆیە بەهیچ شێوەیەك راست ناكەن و هیچ گەریلایەكی پەكەكە بریندار نەبووە، درۆیەكی چەواشەكاریە”.
