بەغدا پارەی گەنمی جوتیاران دەنێرێت

حکومەتی عێراق و حکومەتی هەرێمی کوردستان گەیشتوونەتە ئەنجامێکی ئەرێنی بۆ ڕەوانە کردنی پارەی گەنمی جوتیاران لە لایەن بەغدا ، وا بڕیارە لە ماوەیەکی نزیکدا پارەی گەنمی جووتیاران بۆ ساڵەکانی 2014 و 2015 و 2016 خەرجبکرێت

لە مبارەوە عەبدولستار مەجید، سەرۆکی لیژنەی کشتوکاڵ لە کۆنگرەیەکی رۆژنامەوانیدا ئاشکرای دەکات”بۆ بەدواداچوونی پارەی گەنمی جووتیارانی ساڵی 2014 و 2015 و 2016 لە بەغدا لەگەڵ سەرۆککۆماری عێراق و وەزیری کشتوکاڵ و بازرگانی و سەرۆکی پەرلەمان و جێگرەکەی کۆ بوونەوەیان کردووە

هەروەها  دواتر لەگەڵ وەزیری بازرگانی عێراق رێککەوتووین کە پێویستە حەقی جووتیاران بدرێت  ئەوان بەڵێنیان داوە  نیوەی پارەکە بنێرن و ئەوەی کە دەشمێنێتەوە بەشێوەی قیست لە ماوەی مانگێک بۆ سێ مانگی دیکە یان زیاتر بنێردرێت

لە کۆتاییشدا سەرۆکی لیژنەی کشت و کاڵ ئاماژە بەوە دەکات، حکومەتیهەرێم ئامادەیە ئەو گەنمەی ماوەتەوە ، بینێرنەوە بۆ هەرێمی کوردستان لە جیاتی پارەکەی ، بەڵام ئەوان داوایان کردووە گەنمەکە بمێنێتەوەو بە قست پارەکەی ڕەوانە دەکەن