سەرۆك بارزانی پێشوازی لە سەرۆكی دەزگەی ئاساییشی نیشتیمانیی عێراق دەكات

ڕۆژی سێشەممە 22ـی كانوونی یەكەمی 2020 لە سەلاحەدین سەرۆك مەسعود بارزانی پێشوازی لە عەبدولغەنی ئەلئەسەدی سەرۆكی دەزگەی ئاساییشی نیشتیمانیی عێراق كرد.

لە دیدارەكەدا پەیوەندی و هەماهەنگیی نێوان هەرێم و حكوومەتی فیدڕاڵ و هەروەها هەڕەشەی تیرۆر و گرتنەبەری ڕێوشوێنی هاوبەش بۆ ڕووبەڕووبوونەوەی تیرۆریستان تاوتوێ كرا.

هەر لەو كۆبوونەوەیەدا هەردوولا بیروڕایان لەبارەی بارودۆخی شنگال ئاڵوگۆڕ كرد.