ئیسرائیل قەدەغەی تەواوەتی هاتووچۆ رادەگەیەنێت و سنورەکانی دادەخات
بەهۆی دەرکەوتنی جۆرە نوێیەکانی کۆرۆنا و مەترسی خێرا بڵاوبونەوەیان، حکومەتی ئیسرائیل بڕیاری داخستنی سنورەکان و قەدەغەی تەواوەتی هاتووچۆی راگەیاند.
لەئەنجامی کۆبونەوەی ئەنجومەنی وەزیرانی ئیسرائیل بڕیاردرا بەداخستنی تەواوەتی وڵاتەکەیان بەڕوی گەشتە جیهانییەکاندا، ئەوەش وەک هەنگاوێک بۆ ڕوبەڕوبونەوەی مەترسییەکانی ئەو جۆرە نوێیانەی کۆرۆنا کە لەبریتانیا و چەند وڵاتێکی دیکە دەرکەوتوون.
بەگوێرەی زانیارییەکانی میدیا جیهانیەکان، بڕیارەکە لەرۆژی یەکشەممەی داهاتوەوە دەستپێدەکات و بۆماوەی دوو هەفتە بەردەوامدەبێت.
لەلایەکی دیکەوە، ئاژانسی سپوتنیک بڵاویکردەوە هەریەک لەبنیامین ناتانیاهۆی سەرۆک وەزیران و بێنی گانتز وەزیری بەرگری ئیسرائیل بڕیاری داخستنی وڵاتەکەیان بەڕوی جیهاندا داوە.
