لە ئیسرائیل هەفتەی پشتگیریی بۆ دەوڵەتی سەربەخۆی كوردستان راگەیێنرا
خواكوڕك
دوای ئەوەی بەرپرسانی باڵای ئیسرائیل پشتگیری خۆیان بۆ سەربەخۆی هەرێمی كوردستان راگەیاندووە, لە ئێستادا چالاكانی مەدەنی لە تەلئەبیبی پایتەختی ئیسرائیلەوە بەڕێوە دەچێت بۆ ئەم مەبەستەی، هەفتەیەكی چالاكییان بۆ پشتگیریكردن لە سەربەخۆیی كورد و دەوڵەتی سەربەخۆی كوردستان راگەیاند و ئاڵای كوردستانیان لە شەقامەكانی ئەو شارەوە بەرز كردەوە.
بە پێی گوتەكانی بەرپرسی رێكخراوی دۆستایەتی ئیسرائیل – كوردستان (ئەفراهام بن مووشی)، لەئەمڕۆوە هەفتەیەكی چالاكییان بە ناوی “هەفتەی پشتیوانیكردنی دۆزی گەلی كورد و سەربەخۆیی كوردستان” لە تەلئەبیبی پایتەختی ئیسرائیلەوە دەست پێ كرد.
مووشی , ئاماژەی بەوە كردووە ئەو كارە بە بەشداریی چالاكان و ژمارەیەك رێكخراو بووە، كە بایەخ بە دۆستایەتی نێوان كوردستان و ئیسرائیل دەدەن.
شایەنی باسە، لە چوارچێوەی چالاكی و هەڵمەتەكانیاندا، چالاكان و بەشدارانی هەڵمەكەتە ئاڵای كوردستانیان لە شەقامەكانی تەلئەبیبدا بەرز كردەوە, وا بڕیارە لە ماوەی ئەم هەفتەیە لە زۆربەی شەقامەكانی تەلئەبیب ئالای كوردستان بەرز بكرێتەوە.
