پلانی داهاتووی مێسی لەگەڵ بارسێلۆنا ئاشکرا دەبێت
دوای چاوپێکەوتنی لیونێل مێسی لەگەڵ کەناڵی لاسێکستای ئیسپانی تا رادەیەک ئاشکرابوو مێسی نیازی نیە روو له هیچ یانەیەکی تری ئەوروپی بکات، دوای ئەوەی ئەماژەی بەوە کرد حەز بە ژیانی ئەمریکا دەکات، ماڵپەری گۆڵی جیهانی لە هەواڵێکی پلانی ئەو یاریزانە ئاشکرا دەکات
ماڵپەری گۆڵ لە هەواڵێکی ئاماژەی بەوە کردووە مێسی لەگەڵ بەربژێری سەرکەوتووی سەرۆکی داهاتووی بارسێلۆنا رێک دەکەوێت گرێبەستەکەی تا مانگی شەشی ساڵی 2022 نوێ بکاتەوە دواتر روو لە یەکێک لە یانەکانی ئەمریکا یاخوود قەتەر بکات، یاریی بۆ هیچی یانەیەکی ئەوروپی نەکات
هەر لەم بارەیەوە رۆژنامەنووس خۆسیە لە کادینا سێر بۆ دەزگاکەی گوتویەتی، ساڵێک پێش ئێستا مێسی شوقەیەکی لە باڵەخانی بروش لە ئەمریکا بە بڕی 8 ملیۆن یۆرۆ کریوە
لە چەند چاوپێکەوتنێکی تری مێسی ئاماژەی بەوە کردووە کە حەز دەکات کۆتایی ژیانی وەرزشی لە یانەی نیوڵز زە بۆیسی ئارجێنتینی بێت، بۆیە هیچ کاتێک ئاماژەی بە رۆیشتنی بۆ یانەیەکی ئەوروپی نەکردووە سەرەرای ئەوەی چەندین یانەی ئەوروپی ئامادەن بە گرێبەستی گران بەها ئەو یاریزانە بگوازنەوە.
سەرچاوە : کوردستان ٢٤ – یاریگا سپۆرت
